ДҮН ЮАНЬ ИНТЕРНЭШНЛ

Монтажны хөөсийг барилга угсралтын явцад ан цавыг битүүлэх, аливаа материалыг хооронд нь наах, дуу чимээ тусгаарлах зорилгоор хэрэглэдэг. Гэхдээ чанар, үр дүнг мэдрэхийн тулд энэхүү хөөсийг хэрхэн ашиглах энгийн аргыг эзэмших нь чухал. 5-30 градусын температурт монтажны хөөсийг хэрэглэнэ. Ингэж байж л хөөс бидний хүссэнчлэн хурдан атлаа үр дүнтэй царцана.
Хөөс хэрэглэх үедээ гараа уг цавуулаг бодисоос хамгаалах шаардлагатай. Бээлийгээ гараасаа салгах хэрэггүй. Ан цавыг битүүлэхийн тулд юуны өмнө эхлээд усаар цэвэрлэх ёстой. Ингэснээр чийг хуримтлагдаж, хөөс царцаж, тухайн материалыг хөдөлгөөнгүй, нүх сүвгүй болгоно. Үүнээс гадна гадаргуу дээр цавуулаг бодисыг дусаахын өмнө баллоныг сайн сэгсрэх хэрэгтэй. Ийм үед химийн найрлага бүхий бодисууд холилдож наалдах чадвар нь улам сайжирдаг байна.
Ажлын явцад хөөсийг шахсаны дараа хэмжээ нь хоёр дахин нэмэгддэг учир хэтэрхий шахах гэж яарах хэрэггүй. Хэрвээ та эгц босоо ан цавыг битүүлэх гэж байгаа бол хөөсийг дороос нь дээш хөдөлгөвөл энэ бодисын шинэ давхарга нь доошоо урсаж гоожихгүй. Эцэст нь зөвлөхөд хөөсийг усаар шүршиж бүрэн царцтал нь найман цаг хүлээгээрэй. Хөөсийг шахаж, ан цавыг иймэрхүү байдлаар битүүлсний дараа нарны шууд тусгалаас сайтар хамгаал. Жишээлбэл, хүрээ мод эсвэл зуурмагаар халхалж болно.